Ni 3 awh tur Nagaland Assembly session ṭan

Nagaland Legislative Assembly (NLA) session, ni thum awh tur chu nimin aṭang khan neih ṭan a ni a, an state-a oil zawnchhuah hna thawh leh kawng siam dan tur chugnchangte an sawiho nghal.

Department of geology and mining-in a tarlan danin, Nagaland-ah hian kum 1981-1994 inkar khan Wokha district-a Changpang hmunah Oil and Natural Gas Corporation chuan petroleum leh natural gas zawn hna hi an thawk a, mahse an hna thawh hi tihtawp a ni rih a ni. Assembly hian Nagaland Petroleum and Natural Gas (NP&NG) Rules and Regulation, 2012 a lo duang tawh a, mahse sorkar lapui chuan kum 2013, May thla khan ram danpui nena inkalh nia sawiin a hnawlsak.

House-ah hian Assam border area kaltlang a, Mon district-a Tizit leh Peren district-a Khelma inkara kawng, km 365-a thui Foothill Road Construction chungchang pawh sawiho a ni bawk.