Assam : Union Minister Sonowal-a'n project eng emaw zat hawng

Union minister Sarbananda Sonowal chuan Assam-a Dibrugarh bul, Bogibeel region-a hmasawnna hna thawhna tur project eng emaw zat a hawng.

Ports, shipping & waterways minister Sonowal chuan Bogibeel leh Guijan-ah floating jetty siamna tur lungphum a phum a, Northeast Frontier Railway (NFR) siam Bogibeel Riverfront Passenger Jetty a hawng bawk. Sonowal chuan railways hnenah Bogibeel Riverfront Passenger Jetty an siam avanga lawmthu a sawi rualin, hetiang facility hi Pandu, Jogighopa leh Dhubri-ahte siam turin a ngen nghal bawk.

NFR general manager chuan New Tinsukia leh Dibrugarh railway station-te chu world-class standard-ah siam tum a ni tih thu leh, Dhamalgaon station pawh cheiṭhat tum a nih thu a sawi.