Assam-ah police patrol-ten beih an tawk

Hri leng vanga khuahkhirhna dan siam kengkawha police duty-te chu Pathianni zan khan Assam-a Sonitpur district-ah mi ṭhenkhatin an bei a, police officer pakhatin hliam a tuar. 

Assam-a hian ramchhung hmun dang ang bawkin coronavirus leng vangin lockdown kalpui a la ni. Chhun lamah khuahkhirhna hi thlahdul ni tawh mah se, zan lamah erawh curfew puan a la ni thung.  

Pathianni zan khan Bebejia police outpost hnuaia Tezpur-Kundurabari area-a police patrolling team, officer-in-charge Sarat Das kaihhruai chuan curfew dan bawhchhiaa chhuak lui, dawr bula ṭhukhawmte chu pawn chhuak lo turin an hrilh a, heng mite hian police team  hi an bei zui nghal ta mai a ni. Police officer pakhatin hliam an tuar bakah, patrol party motor hman pawh an tihchhiatsak bawk.