Assam : Congress member-te'n House chhuahsan

Assam assembly-ah Thawhṭanni khan Congress member-te chu thil man sang zel chungchang sawiho an phutna a hlawhtlin loh avangin House aṭangin an chhuak tau.

Opposition leader Debabrata Saikia chuan Bharatiya Janata Party (BJP) kaihhruai sorkar a din hnuah nasa takin an state-ah thil man a sang niin a sawi a, hemi chungchang hi speaker henah sawiho a phut thu a thlen a ni. Parliamentary Affairs Minister Chandra Mohan Patowary chuan motion put luh hi sawiho ngaiah a ruat loh thu a sawi a, assembly speaker Hitendra Nath Goswami chuan motion hi a hnawl zui bawk. Hemi hnu hian Congress member-te chu lungawi loin House laiah an chhuak khawm a, motion put luh chu sawiho an phut a ni. Mahse speaker-in rem a tih loh avangin Chief Minister hlui Tarun Gogoi leh member dangte chuan House hi an chhuahsan zui ta a ni.