Leimin vangin Sikkim-Agartala kawng a ping

Tunhnaia ruah sur nasa tak avangin West Sikkim hmun hrang hrangah lei a min a, hei hian Sikkim leh Agartala inkalpawhna a tiping.

Leimin hian kawngpui, chenna-in leh infrastructure eng emaw zat a tichhia a, hei vang hian kawngpui chu khar lailawk a ni. kawngpui khar a nih avang hian Sikkim aṭanga Tripura khawpui Agartala panna kawnga tlan lirthei eng emaw zat chu an tangkhang bawk. Yuksam Sub Divisional Magistrate (SDM) chuan leimin avang hian thi leh hliam an awm lo tih sawiin, hetih rual hian chenna-in chhia engemaw zat a awm thu a sawi. In chhia avang hian chhungkaw 511-a mi 2,000 vel chu relief camp 25-ah an khawsa a ni. Hmun ṭhenkhath tui a len avangin National Disaster Response Force (NDRF) chuan chhanchhuah hna thawh nan lawng 12 an hmang a, chhun zan zawmin hna an thawk a ni. West Tripura District Magis­trate Milind Ramteke chuan ruah­sur nasa tak avangin hmun ṭhenkhatah tui a lian a, hlauh­thawnawm erawh a ni lo, a ti.

Tripura Chief Minister Manik Sarkar chuan chhiatna thlenna hmun hi a tlawh tawh a, harsatna tawkte chu sorkarin a chhawmdawl zel dawn tiih sawiin, vanduaina tawkte chu a thlamuan a ni. Met office chuan tun hnaiah ruahtui 109.25 mm vel zet a tla tih a tarlang a ni.