Manipur-Nagaland ramri Chingfel turin sorkar laipui phut

Manipur sorkar chuan Nagaland nena ramri chungchanga buaina an neih chu chinfel thuai a nih theih nana hma lak pui turin sorkar laipuiah ngenna a thlen.

Manipur sorkar chuan Manipur-Nagaland border chu hun rei tak chhung chinfel lohin a awm tawh tih sawiin, hei hi chinfel thuai a duh thu a sawi a, Survey of India chu inrawlh turin a ngen. Manipur, Senapati district-a Tungjoy khua leh, Nagaland, Phek district-a Kezhakeno khuaah te state pahnih hian ramri chungchangah buaina an nei mek a, chinfel thuai a nih loh chuan buaina nasa zawk a chhuah phah theih thu tarlan a ni. Manipur’s Additional Chief Secretary (Home), Dr. J. Suresh Babu chuan MHA Joint Secretary (NE in-charge) Satyendra Garg hnenah ramri chingfel tura ngenna an thehluh tawh thu sawiin, hma lak thuai a ngaih thu a sawi.