Rawn haw te an kal chhuah leh mai kan remti dawn lo : Meghalaya CM

Meghalaya chief minister Conrad Sangma chuan an state-a rawn kir duhte chu an rawn  thlen hnuah an awmna lama kal chhuah leh an remti mai dawn lo tih a sawi. 

Chanchinthar la­khawmtute a kawmnaah chief minister chuan hei hi a sawiin, "State danga tangkhang mek, raw haw duhte hnenah an rawn haw a nih chuan an awmna lamah kir leh mai kan remti dawn lo tih hriattir kan duh a ni. Hei vang hian rawn  haw turte chuan hun eng emaw chen state hi an chhuahsan thei dawn lo tih hria a, chumi tura an inbuatsaih pawh a ngai ang," tiin a sawi a ni. Hun rei lote chauh awm tura rawn  haw tumte tan chuan an awm eknaa awm chhunzawm chu a ṭhat zawk a rin thu a sawi bawk. 

Lockdown avanga state danga tangkhang mek, zirlai leh hnathawka awm zinga haw duhte chu hruai haw hna thawh ṭana ni tih CM chuan a sawi a, a thawh khatnaah chuan hmarchhak state danga tangkhangte hruai haw hmasak an ni ang, a ti.