Assam : Gorkha-ten Autonomous Council phutna tharthawh leh

All Assam Gorkha Students’ Union (AAGSU) chuan Gorkha Autonomous Council (GAC) din phutna chu Thawhṭanni aṭang khan tharthawh lehin, an thil phut nawrna atan sit-in protest an huaihawt.

Nawrh huaihawtnaah hian Gorkha pawl hruaitu 500 vel telin, GAC siam a nih hma chuan an nawr zel tur thu te, Gorkha hnamten rolrelna dik tak an duh thute an aupui a ni.

Gorkha hian kum 2003 aṭang khan Gorkha Autonomous Council (GAC) hi an lo phut tawh a, hun eng emaw chen an thawm a reh hnuah an tharthawh leh a ni.

AAGSU hian kum 2024 ram inthlanpui neih hma ngeia GAC din hi an phut tih sawiin, an pawl president Arjun Chetry chuan nawrh an huaihawt chhunzawm zel tur thu a sawi. "Moran,Mottock leh Koch Rajbongshi pawh tun hnaia Autonomous Councl pek an ni a, Adivasi hnam tan pawh Rs vbc 1,000 fund pek an ni bawk. AAGSU chuan Gorkha-te hi autonomous council pek an phu hle ah kan ngai a ni," a ti.

An thil phut chu a rang thei anga ngaihtuah tura state sorkar phutin, an ngaihtuah sak lo a nih chuan inthlanpui neih leh hunah BJP sorkar chuan na taka andodal tur thu AAGSU president chuan a sawi.