Nagaland cabinet-in reservation policy ennawn a tum

Nagaland chief minister Neiphiu Rio chuan census neih leh a nih hnuah, state cabinet chuan hna lak chungchangah reservation policy siam chu a ennawn dawn tih a sawi.

Legislative Assembly session-a NDPP MLA Ytiachu-a'n technical post-a backward tribe tana reservation siamsak tura a ngenna a chhannaah CM chuan hei hi a sawi a ni.

Chief Minister chuan state cabinet chuan reservation siam chungchangah area leh hnam ṭhenkhatte telh belh leh, a awmsa ṭhenkhatte paih a ngai a, quota dah zat pawh siamṭhat a ngai nia sawiin, census neih leh hnuah ennawn an ni dawn a ni, a ti.

Kum 1073, July 6 aṭanga state sorkarin reservation policy a hman mekah hian Gazetted/technical post-a 80% chu Indigenous Inhabitants of Nagaland leh backward tribe tan dahin, 20% chu unreserved a ni thung. Hei bakah hian hna dang lakna turah state chhunga backward tribe tan 37% dah a ni bawk.