Manipur : Police-ten silai nena mipuite vautu man

Manipur police-te chuan Churachandpur district-a silai nena mipuite vau a, bum ṭhin mi pakhat an man tih an sawi.

Churachandpur police-te hian Churachanpur area-ah silai kenga mipuite vau ṭhin a, thlabar taka siam ṭhin an awm thu hi report an dawng a, Thawhlehni khan Churachandpur-a COC cemetery bula Pangzawl khuaah motor pakhatah an mi rinhlelh hi an man ta a ni. An mi man hi kum 27 mi, D Phailien khuaa cheng, Paolianmang Misao a ni.

Police-te hian kut aṭangin Taiwan siam 4.5mm pistol pakhat, 9 mm round pakhat, mobile phone pakhat leh Thongkhopao Lhungdim tih hminga Aadhar card siamte an man tel.

Thu an zawhfiahna aṭangin Paolianmang Misao hian silai nena vauin, mi tam tak a lo bum tawh a, an sumte a lo laksak tawh a ni.