Indian Army-in Assam Police commando-te training pe dawn

Indian Army chuan Assam Police commando battalion panga siam thar tura awm tur, sub-inspector leh constable-te chu training an pe dawn tih Assam DGP Bhaskar Jyoti Mahanta chuan a sawi.

Police hotu chuan May thla khan Assam Police wing paruka hnaruak hnawhkhatna atan mi 5,200 lak thar niin, an zingah hian hmeichhia 707 an awm tih a sawi. Heng zinga 2,720-te chu commando unit panga-a sub-inspector leh constable atan thlan an ni.

"Indian Army chuan kan commando tharte hi anmahni hmunah training pek an remti a ni. Commando tharte training peknaah hian kan instructor-te chuan Army-te hi an pui bawk ang," tiin DGP chuan a sawi.

Commando tharte training pekna turah hian Army Brigadier chawl tawh chu special Deputy Inspector General of Police atan ruat a ni.