Assam Assembly-in University dinna tur bill pass

Assam Assembly chuan University dinna tur bill paruk chu kar kalta Ningani khan voice vote hmangin a pass ta.

Assembly hian Uni­versity pali dinna tur bill a pass a, billl awmsa pali a siam ṭha bawk. Battadev University Bill, 2017 hmangin Barpeta district-a Bajali College chu University-ah hlankai a ni dawn a, Madhavdev College (Lakhimpur district) chu Madhavdev University-ah hlankai a ni ang a, Hojai district-a Hojai College chu Rabindranath Tagore tia thlak a ni ang. Assembly chuan Majuli University of Culture Bill a pass bawk a, Majuli-ah hian Cultural University din a ni dawn a ni.

Assam assembly hian Assam Employees Parents Responsibility and Norms for Accountability and Monitoring Bill, 2017, The Assam Employees PRONAM Bill, 2017 leh Assam State Capital Region Development Authority bill-te a pass bakah. Kumar Bhaskar Varma Sanskrit and Ancient Studies University (Amendment) Bill, 2017 leh Assam Science and Technology University (Amendment) Bill, 2017 a pass bawk.

Assam sorkar hian state chhungah University tam zawk din turin hma a la mek a, ruahman dan chuan University thar pahnih din a ni ang a, college awmsa pali chu University-ah hlankai a ni bawk ang.