Tripura sorkarin Social Media Account tlangzarh

Tripura sorkar social media account 'My Govt Tripura' chu kar kalta Zirtawpni khan tlangzarh a ni.

'My Govt Tripura' tlangzarh­naah hian Chief Minister Manik Sarkar bakah, Health and PWD Minister Badal Choudhury leh Information and Finance Minister Bhanulal Saha-te an tel a ni. Chief Minister Sarkar chuan 'My Govt Tripura' chu state mipuite tana buatsaih a nih thu sawiin, sorkar thu pawimawh, ruahmanna, hmachhawp leh policy hrang hrangte tarlanna atan hman a nih tur thu a sawi. Social media chu ṭangkai taka hman a ṭul thu sawiin, a ṭha zawnga hman a nih chuan hmasawnna thlentu a ni thei a ni, a ti.

'My Govt Tripura' hi Informa­tion and Cultural Affairs Depart­ment chuan a enkawl dawn a ni.