Assam tuilianin zual lam a pan leh

Assam-a tuilian chuan huneng emaw chen zia awm lam pan tawh mah se, tun hnia Aruanchal Pardesh-a ruah sur ansa avangin zual lam a pan leh nia tarlan a ni.

Assam State Disaster Management Authority (ASDMA)-in a tarlan dan chuan, tun hniaah Arunachal-ah ruah nasa takin a sur a, hei hian Assam-a lui ṭhenkhata tilian leh a ni. Thlai chinna hmun ram hectare 13,928-a zau a chim leh tawh bawk. Sonitpur, Nagaon, Dhemaji, Morigaon leh Nagaon district-a cheng mi 71,819 velin tuilian avang hian harsatn an tawk leh mek a, tuilenna hmunah te hian deluge a leng mek bawk. District pathum a cheng mi 28,600 vel chuan thosi seh aṭanga inkai chhawn theih deluge hi an vei tawh nia tarlan a ni.

Sonitpur district chu tui­lian tuar nasa ber niin, mi 41,533 velin harsatn an tawk mek. He district-ah hian mipakhat chu chin hriat lohin a awm mek a, a chanchin hriat a la ni lo. Hetih lai hian National Highway 15 hmun tam tak pawh a chhia a, hei hian inkalpawhna tihbuai phah. NH-15 a tlang loh avng hian Assam aṭanga Aruanchal khawpui Itanagar chu khar lailawk a ni.

Chief Minister Sarba­nanda Sonowal chuan Water Resources Minister Keshav Mahanta chu tuilenna hmun te tlawh turin a ngen a, an har­satna tawhte chu hmuna kala enpui turin a ti a ni. Brah­maputra lui chuan Jorhat district, Golaghat district leh Sonitpur district-a hmun eng emaw zatah hlauhawm chhin­chhiahna a pel leh tawh bawk.

Arunachal-ah chuan tunhnai khan ruah nasa tak a sur a, hei hian a ṭnenawm state Assam tan ahrsatna thlen phaha ni. AP-ah pawh hian hmun ṭhenkhatah chuan tuilian avangin school ṭhen­khat khar a ni a, hospital-a dam lo ten harsatna an tawk bawk. National Disaster and State Disaster Response force chuanchhan chhuah hn an thawk a ni.