Nagaland : State GSDP 8.98% in a pung

Nagaland gross state domestic product (GSDP) chu kum 2020-21 a negative growth, -2.63% aṭangin kum 2021-22-ah chuan 8.98% in a pung chho.

Nilaini khan state economics and statistics department chuan Nagaland GSDP, 2021-2022 report hi tichhuakin, department director Neidilhou Angami chuan state economy ṭhanna chu hripui len hmaa a ṭhanna lakkhawm 5.38% (2022-12 aṭanga 2019-20) aiin a sang zawk a ni, a ti.

Department-in a tarlan danin, real economic growth hi kum 2020-21-a Rs vbc 17,991.61 aṭangin kum 2021-22 ah Rs vbc 19,607.83-ah a pung chho tura chhut a ni. Nonimal economic growth hi 2020-21 a Rs vbc 30,425.11 aṭangin 2021-22-ah chuan Rs vbc 33,705.84 ah pung tura chhut a ni bawk.

Tertiary sector lamin state economy tan an thawh hlawk chho a, kum 2011-12-a primary sector-in GSVA (gross state value added) tana a thawh 31.4% chu kum 2021-22-ah chuan 26.88% ah tlahniam tura chhut a ni. Hetih lai hian GSVA-a tertiary sector hi kum 2011-12-ah 56.17% a nih laiin, 2021-22-ah chuan 62.77% a tlin chhoh rin a ni.

Kum 10 liam ta, 2002-12-a state per capita income chu Rs 53,010 a nih laiin, kum 2021-22-ah chuan Rs 1,35,701 ah a pung thei dawn nia chhut a ni a, compound annual growth rate (CAGR) hi 9.86% a tling a ni.