Meghalaya : Thailand leh CII palaite'n private investor-te kawm

Thailand sorkar leh Confederation of Indian Industry (CII) palaite chuan Meghalaya tlawhin, Nilaini khan Shillong-ah private investor-te an kawm.

An inkawmnaah hian hmarchhak bialah ram pahnihten insumdawn tawnna an kalpui theih dan turte an sawiho a ni.

India rama Thailand ambassador, Pattarat Hongton chuan Thailand sorkar chuan Meghalaya chu tourism, fishery leh food processing sector lamah thawhpui a chak hle a ni tiin, hmarchhak state dangte nen pawh thawhdunna zau zawk neih an duh thu a sawi.

Thailand leh hmarchhak state-te sumdawnna lama thawhhona tura ruahmanna lo siamte chu Covid-19 hri leng vangin kalpui chhunzawm theih lohin a awm a, mahse kawng a rawn inhawn leh ngei a beisei thu a sawi. Insumdawn tawnna kawnga thawhhona zau zawk nei tur chuan hmarchhak bial leh Thailand-te inkalpawhna ṭha siam a ṭul thu a sawi bawk.