Assam chief minister Himanta Biswa Sarma chuan sorkar department 21-a post hrang hrangah thawktu 11,202 lak belh a ni dawn tih a sawi a, vawiina Guwahati-a inkhawm buatsaihah heng mite hi appointment letter pek an ni ang, a ti. 
Chief Minister chuan nikum May thlaa sorkar thar an siam hnuah, tuna lak thar turte tel lo hian sorkar department hrang hrangah thawktu mi 27,737 lak an ni tawh tih a sawi. Inthlan neih dawna sorkar hnaah mi nuai khat lak an lo tiamna chu tihhlawhtlin ngei an tum tih a sawi bawk. 
Thawktu thar lak tur zinga 5,335-te chu home and political department-ah niin, school education department-ah 3,811 leh higher and technical-ah 927 lak thar an ni dawn. PWD-ah thawktu mi 304 la tharin, health and family welfare-ah 299, panchayat and rural department-ah 277 leh irrigation department-ah thawktu mi 137 lak thar an ni dawn bawk. Heng bakah hian industries and public enterprises, tourism, environment and forest, transport, housing and urban affairs, women and child development, water resources, public health engineering leh sports and youth welfare, handloom and textiles, transformation and development, co-operation, information and public relations bakah skill, employment and entrepreneurship department-ahte thawktu hi an lak belh dawn a ni.