Manipur-in Tuilian vangin sum a hloh hnem

Manipur chuan tui-lian avangin cheng vaibelchhe 358.23 vel a hloh niin Disaster management official-te chuan an tarlang.

Disaster management official-te chuan kumin chhungin tuilian avangin mi 25 an thi tawh tih sawiin, thlai chinna hmun ram hectare 78,677 zet a chim chhia a, infrastructure chhia nena an sum hloh zawng zawng chu vaibelchhe 358.23 vel a tling a ni, an ti. Manipur-in tun hnai kum thum chhunga tuilian a tawrh nasat ber nia tarlan a ni. Kumin chhunga ruahsur hi 1,668.5 mm lai a tling tawh a, kum dangah chuan 1,500mm vel a tla ṭhin a ni. Chief Minister N Biren chuan Hill leh Valley area-a cheng, a bikin lo neia eizawngte chuan tuilian hi an tuar nasa zual tih a lo sawi tawh a, sorkar laipui chuan hmarchhakin tuilian nasa tak a tawrh ṭhin venna tur hian cheng vaibelchhe 150 a ruahman thu a lo sawi tawh bawk.