Manipur state pumah total lockdown puang

Manipur state pumah nimin chawhnu dar 2 aṭang khan hripui leng vangin inkharkhip pumhlum, total lockdown kalpui ṭan leh a ni. 

CM N Biren Singh chuan Nilaini khan state chhunga hri kai an pun belh zel avangin total lockdown hman a ni dawn tih a lo puang tawh a ni. Emergency state cabinet meeting chuan total lockdown puan hi a rel a, nimin chawhnu dar 2 aṭangin ni sarih chhung kalpui a ni phawt ang a, ennawn a nih hnuah ni sarih dang pawhsei leh a nih theih thu CM chuan a sawi a ni. Hemi avang hian mipuite chiai lo turin a chah nghal a, essential service chu a ṭul angin kalpui chhunzawm zel a ni ang, a ti. 

Nilaini khan Manipur-ah hian Covid-19 kai hmuh chhuah thar mi 45 an awm a, hri kai hmuh chhuah tawh hi 2,060 tling tawhin an zinga 1,418 chu enkawl dam an ni tawh thung.