Shillong-ah containment zone puan belh

Meghalaya-a East Khasi Hills district magistrate chuan Shillong khawpui chhunga Motingar-a Lympyngngad Block II chu Covid-19 kai hmuh belh an nih avangin Nilaini aṭang khan containment zone-ah a puang.

He bial chhunga hri kai hmuh tharin midang a kai darh theih, high-risk contact eng emaw zat an awm avangin a contact neihte dapchhuah a nih theihna atan containment zone-ah puan a ni. Zone huam chhunga awmte chu pawn an chhuah khapsak an ni a,  hmun dang aṭanga he zone huam chhunga luh pawh khap a ni bawk. Meghalaya-ah hian hri kai hmuh chhuah tawh hi 514 an awm tawh a, an zinga 433 chu enkawl mek a ni. Hri kai zinga mi 77 chu an dam tawh a, mi paliin an thihpui tawh.