Cyber Fraud Case: Meghalaya Police-te'n Nigerian mi panga man
Meghalaya Police, Cyber Crime wing-te chuan Thawhlehni khan Cyber Fraud Case-a inhnamhnawiha puh, Nigerian panga, Equatorial Guinean mi pakhat leh India mi pakhat chu New Delhi-ah an man.
CID official Claudia A. Lyngwa chuan, heng mite hian facebook kaltlangin mi pakhat an bum a, cheng nuai 21 an chhuhsak tih a sawi. Heng mite hi Delhi Airport-ah man an ni a, an kut aṭang hian ramdang pawisa ṭhahnem tak bakah, ATM card (50), SIM card (50), Mobile phone (20), Laptop (6) leh Pen-drive (10) bakah, document pawimawh eng emaw zat an man a ni. An mi man te hi Shillong panpui an nih hnuah thu an zawtfiah dawn tih a sawi bawk. Meghalaya Police-te chuan an thu dawn bawhzuiin heng mi pasarih te hi an man a, an zinga hmeichhe pakhat Rose Sekhose chu Nagaland mi nia tarlan a ni.