Assam leh Meghalaya-ah Sikh chhiarpui nei mek

Delhi Sikh Gurudwara Management Committee (DSGMC) buatsaihin nimin aṭang khan Assam leh Meghalaya-a Sikh chengte chhiarpui neih ṭan a ni a, vawiinah zawhfel hman tum a ni.

DSGMC President S Manjit Singh GK chuan heng state pahniha chhiarpui neih a nih chhan chu, Sikh-te tana sorkar laipui leh state sorkarten an hamṭhatna tura minority scheme hrang hrang an duante ṭangkai zawka an chawr theihna tur a nih thu a sawi. 

DSGMC general secretary S Manjinder Singh Sirsa chuan Assam-a Nagaon leh, Meghalaya khawpui Shillong-ahte chhiarpui hi kalpui a nih thu a sawi a, heng hmunahte hian DSGMC chuan member pali awmna team a tirh thu a sawi. Sikh-te tan hian state leh sorkar laipui chuan Pre Matric, Post Matric, Merit Cum Means, Paro Pardesh Scheme bakah Maulana Azad Education Foundation scholarship scheme-te a siam sak tih sawiin, heng bakah hian an hamṭhatna tur eng emaw zat a duang a ni, a ti.