Sikkim-ah hri kai tam ber ni thleng

Sikkim-ah Nilaini khan Covid-19 kai  hmuh chhuah tam ber ni a thleng a, hri kai hmuh thar mi 108 an awm. 

State pumah hri kai hmuh chhuah tawh hi 438 awmin, an zinga 102 chu enkawl dam an ni tawh. Health director-general Dr Pempa Tshering Bhutia chuan hri kai hmuh thar zinga 102 chu Rapid Antigen test aṭanga hriat a nih thu leh, RT-PCR hmanga test zinga paruk an positive bawk tih a sawi. 

Dr Bhutia chuan Rapid Antigen testing kit chu sample tam zawk enfiahna atan hman a nih thu a sawi a, mahse hei hi emergency atan bik hman a ni tawh dawn tih sawiin health department chuan TrueNat leh RT-PCR te a hmang tam tawh zawk dawn a ni, a ti.