Rajya Sabha member atan Tripura CM hlui Deb thlang

Tripura chief minister hlui, BJP hruaitu Biplab Kumar Deb chu Rajya Sabha MP atan thlan a ni.

Ningania Tripura aṭanga Rajya Sabha member thar tur thlannaah hian rorellai, BJP-IPFT MLA 34-te chuan Deb hi an vote vek a ni. CPI (M) candidate Bahnu Lal Saha chuan vote 15 a hmu. Congress MLA awmchhun chuan vote a thlak lo .

Member 60 awmna, Tripura state assembly-ah hian MLA 59 an awm mek. IPFT member Brishaketu Debbarma chu party kalha chea puh a nih vangin disqualify a ni.

MP atana thlan tlin a nih thu puan a nih hnua thu a sawiah, Deb chuan Parliament-ah Tripura tan theihtawp chhuah a tum thu sawiin, Tripura chief minister Manik Saha nena thawkdunin, an state tan hmasawnna an thlen zel a beisei thu a sawi.