Assam-ah laboratory pahnih hawn belh

Assam sorkar chuan Guwahati-ah Indian Council of Medical Research (ICMR)  pawm, laboratory pahnih a hawn belh leh a, hemi nen hian an state-a testing laboratory awm zat hi 15 a tling tawh a ni. 

Laboratory hawn thar pakhat hi State Cancer Institute of Gauhati Medical College, Guwa­hati-a mi a ni a,  Dr B Borooah Cancer Institute-ah a dang pakhat hawn a ni bawk. Health minister Himanta Biswa Sarma chuan Covid-19 hri leng avangin state sorkar chuan hma lam hun atana inbuatsaihna ṭha zawk a kalpui mek a, laboratory pawh an neih belh zel thu sawiin hengte hmang hian hri leng dona kawngah chak zawkin hma an la thei dawn a ni, a ti. 

Assam-ah hian hri kai hi an la pung chak hle a, hri kai hmuh chhuah tawh hi mi 26,772 awm tawhin, an zinga 18,033 chu enkawl dam an ni tawh thung. Hri darh tur venna atan test pawh a tam thei ang ber neih tumin hma an la zel a, mi nuai sarih dawn an test tawh a ni.