Manipur-ah Kuki-te'n Black Day an hmang
Manipur-a Kuki-te chuan Nilaini khan an chenna area huam chhungah Black Day an hmang.
Naga hel National Socialist Council of Nagaland - Isak-Muivah ( NSCN-IM)-te chuan Manipur-a kuki chengte hi mi 905 vel an that a, hemi duh lohna lantir nan leh, an dikna chanvo humhalh sak an nih theihna turin Black Day hi an hmang a ni. Kum tam tak liam ta chhunga Kuki-te chunga Naga helte chetna hi an hrethiam lo takzet tih an sawi a, state sorkar leh sorkar laipuite chu an himna ngaihtuah sak turin an phut a ni. Manipur-ah hian kum tin September 13 hi Kuki-te chuan Balck Day atan an hmang ṭhin a, kum 1993 aṭang khan he ni hi Sahnit Ni (Kuki Black Day) tia vuahin, urhsun takin an lo hmang ṭan tawh a ni.