Hmarchhak state-te Utilisation certificate thehlut turin hriattir

Sorkar laipui chuan hmarchhak state-te chu kumin chhung ngeia Utilisation Certificates (UC) thehlut vek turin a hriattir a, an thehlut loh a nih chuan fund tihtawp sakah a vau. Hemi chungchang hi North Eastern Council (NEC) chuan Thawhlehni khan a tarlang a ni.

NEC secretary Ram Muivah, “Hmarchhak state-te chu Central Project hrang hranga Utilisation Certificate-te thehlut tura ngen an ni a, hei hi an tihlawhtling lo a nih chuan Ministry of Finance chuan project fund-te chu kum khat leh a chanve chhung atan a hrensak dawn a ni” a ti. Ram Muivah chuan NEC chu project kalpui danah a fimkhur zual dawn tih sawiin, zawh hun tura bithliaha project la zawhfel lohte chu tihtawp zel a nih tawh tur thu a sawi. Project tihkhawtlai chu hmasawna tiṭhuanawmptu a nih thu sawiin, kum nga chhunga project zawh hman lohte chu tihtawp a ni ang a, fund pawh pek zui a ni tawh lo ang, a ti.

NEC secretary chuan hetianga project tihtawp a awm chuan state sorkar mawhphurhna ni dawn a, NEC chuan mawh a phurh loh tur thu a sawi. State hrang hrangah NEC sum hmanga project kalpui chu tihkhawtlai a nih thu sawiin, hei hi NEC monthly report-ah pawh tarlan a ni, a ti. Project tihkhawtlai hian sum tak tak a ei hek a, hna in a tawrh phah bawk a ni, a ti. Meghalaya-a project tihkhawtlai awm chungchang sawiin, " NEC hnuaia project kalpui mekte chu tihkhawtlai ni mah se, an hnathawh a ṭha a ni" a ti bawk.