NFR-in passenger train tlan ṭan tir tum

Northeast Frontier Railway (NFR) chuan hun rei tak chhung tui­lian avanga rel service tihtawp a nih hnuah, dan pangngaia tlan ṭan tir leh thuai an beisei thu an sawi.

NFR official chuan passenger train 26 chu tlan thei mai tura inrin tir an nih thu sawiin, a hun tur tak erawh a tarlang lo. Passenger train service tura tarlan zingah hian - Rajdhani Express, NE Express, Kamrup Express, Radhikapur-Kolkata Express, Kan­chanjungha Express, Sa­raighat Express, Capi­tal Express leh Gandhidham Express-te pawh an tel a ni. NFR CPRO PJ Shar­ma chuan hun rei tak chhung rel service tih tawp a nih hnuah dan pangngaia service leh turin theih tawp chhuaha hma lak a nih thu a sawi a, hetih lai hian fimkhur thilah an tlan chak theih zawng bithliah sak an nih thu a sawi.