Manipur-a bomb puakah mi pali hliam

Imphal, Manipur-ah kar kalta Inrinni khan Hindustan Construction Company office-ah hand grenade tihpuah a ni a, mi pali in hliam an tuar.

Hliam tuarte hi Raj Medicity-ah enkawl an ni a, ngaihtuahawm an ni lo nia sawi a ni. Grenade hi tlai dar 5 vela tihpuah a ni.

Manipur Chief Minis­ter N. Biren Singh chuan grenade tihpuahna hmun­ah hian Rapid action force tirh nghal an ni thu a sawi a, bomb puahna bulah hian Central Reserve Police Force (CRPF) camp a awm tih a sawi bawk. CM chuan pawikhawihtute chu man ngei an nih tur thu a sawi a, grenade tihpuah hi China siam a ni tih a sawi.