Sikkim : Investment Summit neih tur sawn hla

Sikkim Investment Summit, kumin November thlaa neih tura ruahman chu Sikkim-in industrial policy a neih loh avangin nakkum February thlaa neih tura sawn a ni.

Chief secretary VB Pathak hoa review meeting neiha summit sawnhlat hi rel a ni. Review meeting-a tarlan dangin, Sikkim-ah hian central thlawp industrial promotion scheme, North East Industrial Development Scheme (NEIDS), 2017 leh state industrial policy-te a awm loh avangin summit neih hun tur hi sawn a ni a, mahse ruahman lawk angin curtain raiser event chu November thla hian hman a ni tho ang.

Summit neih hun tur sawn a nih rualin, Sikkim sorkar chuan thla thum chhunga industrial policy siam tur hian hun pek a ni bawk. Chief Minister Chief Economic Advisor Mahendra P Lama chuan investor-te hip lut turin industrial policy chu neih ngei a ṭul tih a sawi a, commerce and industries department chuan green industry, education, healthcare leh wellness area-ahte industrial policy chungah sub-sectorial policy an siam a ngai a ni, a ti.