AP : Tuilianin Subansiri dam tichhe ṭhen

Ruahsur nasa avanga tuilian chuan Assam-Arunchal Pradesh inter-state border-a 2000-megawatt Lower Subansiri Hydroelectric project guard wall a tichhia.

He project thawktu, National Hydro Electric Power Corporation (NHPC) Pvt. Ltd official-te chuan Subansiri luilian chuan dam guard wall hi a tichhia nia sawiin, powerhouse aṭangin hnathawktute pawh lakchhuah vek an ni, a ti.

NHPC consultant AN Mohammed chuan leiminin tunnel pakhat a tichhe tel tih a sawi a, an hnathawhna pui ber erawh a nghawng chhe lo niin a sawi. Mohammed chuan dam siam hna chu 88% vel zawh a ni tawh tih a sawi bawk.