'Frontier Nagaland' state phûtin walkathon buatsaih dawn

Eastern Naga Students Federation (ENSF) chuan August 26-a Eastern Nagaland Peoples’ Organisation (ENPO)-in 'Frontier Nagaland' state siam a nih hma chu an state chhung inthlan buatsaih hrang hranga tel ve lo tura resolution an lo siam tawh thlawpna lantirin, October 7 hian “mass public walkathon movement” neih an tum tih an sawi.

Walkathon hi Nagaland khawchhak lam biala district paruk - Tuensang, Mon, Longleng, Noklak, Kiphire leh Shamator-a district headquarters tinah neih a ni ang.

ENSSF hnuaia zirlai pawl pasarihte pawh he movement hi village level-a kalpui turin an tibawk a ni.