Kum 2011 aṭangin Assam-ah hel 5,000 chuang man tawh, thiam loh chang pakhat chiah awm

Assam police-te chuan kum 2011 aṭang khan state chhung hmun hrang hrangah hel 5,202 an man tawh a, mahse an mi man zinga pakhat chauh thiam loh chantir a la ni.

Police-ten hel an mante hi ULFA pawla mi bakah Bodo, Garo, Rabha, Karbi, Adivasi leh Muslim helpawl hrang hranga mite an ni. An mi man zingah 3,606 chauh chargesheet siam sak an ni bawk. Hel man tawh zinga pakhat hi kum 2012-a Lakhimpur district-ah thiam loh chantir niin, a ni chauh hi thiam loh chantri a la awm a ni.

Legal expert-te chuan hel man tam tak zinga a zahve vel chauh chargesheet siam an la ni chu police leh legal system thiam loh niin an ngai. Gauhati High Court advocate Santanu Borthakur chuan, chargesheet thehluh tlai hian a hnu thlengin buaina a thlen a, thubuai ngaihtuahnaah pawh witness koh thlengin harsatna a thlen a ni, a ti. Advocate dang Rakhee Sirauthia Chowdhury pawhin police leh legal system thiam loh a nih thu a sawi bawk.