Tripura : Party in-kara buaina chhuak-ah mi 60 an hliam

Tripura-a rorel lai Communist Party of India - Marxist (CPI-M) tribal wing, Tripura Rajya Upajati Ganamukti Parishad (TRUGP) leh Indigenous People’s Front of Tripura (IPFT)-te chu inkarah Thawhlehni khan buaina nasa tak a chhuak a, mi 60 velin hliam an tuar.

TRUGP President Jitendra Chowdhury chuan an member mi 60 velin hliam hi an tuar niin a sawi a, an zingah hian dinhmun ṭha lo taka awm mek mek mi 11 vel an awm thu a sawi. Hliam tuar zingah hian hmeichhia leh police-te pawh an tel tih a sawi. Jitendra Chowdhury chuan hmun hrang hrangah an party mi leh sa te chuan beih an tawk tih a sawi a, thrum thawhna thleng hi an dem takzet tih a sawi.

IPFT activist-te hian bus pahnih an hal a, buaina chawkchhuaktu zawkah ngaih an ni. West Tripura leh Khowai district-ah chuan hmun 10 vel zetah buaina hi a chhuak a ni.

Tripura-ah hian party hrang hrangte chuan Tripura Tribal Areas Autonomous District Council (TTAADC) duh lohna lantir nawrh an huaihawt a, party inkarah buaina a chhuah phah a ni. TRUGP-te hian Thawhlehni khan rally an huaihawt a, he hun hi Chief Minister Manik Sarkar leh Lok Sabha member Jitendra Chowdhury bakah party hruaitu eng emaw zatin an telpui a ni.