Sikkim-ah leimin vangin mi paruk thi

Sikkim-ah tun hnai khan ruah nasa takin a sur a, hei hian hmun tam takah leimin a thlen a ni. South District-ah chuan leimin avang hian mi paruk an thi a, midang pahnihin hliam an tuar bawk.

South District-a Upper Gurpisey khuaah lei­min hian in a hnawl a, chhungkaw pakhata cheng mi pathumte chu hnawlin, an zinga phnih chu chhanchhuah an ni. He district-ah vek hian Upper Bokrong leh Kateng Namphok-ahte lei min avang hian mi pahnih an thi bawk a, Ramaram Khorlong leh Purna Hang Subba khuah pawh leimin avang hian chhungkaw eng emaw zatin harstana an tawk a, nunna chan an awm bawk.

Chhiat tawkte chhawm­dawl hna hi chhun zan zawma thawh nghal a ni a, chhiatna theng report a awm nual bawk. State Disaster Response Fund (SDRF) chuan chhanchhuah hna hi an thawk a, nunna chan an awm belh rih lo.