AP CM-in state ramri khauh taka veng turin ti

Arunachal Pradesh chief minister Pema Khandu chuan an state chu corononavirus kai thar an awm loh a, green zone an nih chhunzawm reng theihna turin theihtawp an chhuah zel dawn tih a sawi. 

Itanagar-a state task force on Covid-19 control centre a tlawhnaah, CM chuan hri kaite an state-a an luh lohna turin Arunachal Pradesh-Assam ramri-a entry point 12-ah venhimna hi khauh taka kalpui a ni dawn tih a sawi. CM hian task force officer-te chu meeting a neihpui nghal a, anni hian hri leng dona kawnga hma lak zel dan tur ruahmanna an siamte an lo sawipui a ni. 

Chief minister chuan an kaihhruai sorkarin a ngaih pawimawh tur zingah health infrastructure leh facility changtlung leh ṭha siam a ni tih a sawi a, kumin atan bik chuan North East Special Infrastructure Development Scheme leh North Eastern Council aṭanga fund an hmuh zawng zawng chu health sector atan hman a ni dawn tih a sawi. 

Khandu hian a hmain high-level official team nen Banderdewa-a Police Training Centre-a quanrantine facility siam chu an lo endik tawh a, he hmuna awmte ei tur pekte enfiahin, state dang aṭanga kir te screening neihpui an nih dante a enfiah a ni. 

Arunachal Pradesh-a Covid-19 kai pakhat chu enkawl dam ni tawhin, dam­dawiin aṭangin chhuah tir a ni tawh a ni.