Assam-ah hri kai thar pahnih awm

Assam-ah Covid-19 kai thar pahnih hmuh belh leh an ni a, heng mite nen hian Assam-ah hri kai hmuh tawh zat mi 44 an tling tawh a ni. 

Thawhlehnia hri kai hmuh thar zinga pakhat hi tun hnaia West Bengal-a zin, Kokrajhar district ami a ni a, pakhat dang hi Goalpara a mi niin, containment zone a awm a ni. 

Health minister Himanta Biswa Sarma chuan hri kai zinga 32 chu enkawl dam tawh niin, damdawi-in aṭangin chhuah tir an ni tawh tih a sawi. Mi 11 chu enkawl mek an ni a, he hri vang hian mi pakhat a thi tawh bawk

. 

Assam-ah Covid-19 test-na laboratory paruk a nei a, sample 13,442  test a ni tawh a, heng zinga 953 result la nghah mek a ni.