Tripura-a buaina chhuakah journalist-in nunna chan

Tripura police-te chuan tun hnaia tribal party-te inkara buaina nasa tak chhuak avang khan journalist pakhat chuan nunna a chan tih an sawi.

Police-te chuan, Communist Party of India (Marxist) (CPI-M) tribal wing Tripura Rajaer Upajati Ganamukti Parishad (TRUGP) leh Indigenous People’s Front of Tripura (IPFT)-te chu Thawhlehni khan nasa takin an intibuai tih an sawi. He buaina chhuakah hian local television channel-a thawk lai journalist Shantanu Bhowmik (28) chuan kut a tuar a, nunna a chan phah a, midang 60 velin hliam an tuar bawk. Bhowmik hian hliam na tak a tuar a, Govind Ballabh Pant Medical College and Hospital panpui a nih hnuah a hliam tuar loin a thi zui tih an sawi.

Buaina chhuak avang hian West Tripura leh Khowai district-ahte mipui punkhawm khapna thupek tihchhuah a ni nghal a ni. Deputy Inspector General of Police Arindam Nath chuan he thil thleng hi chhui zui nghal a nih thu sawiin, mi eng emaw zat chu thu zawhfiah turin an hreng mek a ni. Hmun 12 zetah buaina hi a chhuak a, hliam tuar tam zawk hi TRUGP mi leh sa te an ni. Hliam tuar zinga hian hmeichhia leh police-te pawh an tel a, hliamna zual mi 11 an awm bawk.

TRUGP President Jitendra Chowdhury chuan, IPFT member-te chuan an party mi leh sa te an bitum tih sawiin, bus pahnih pawh an hal niin a sawi.

TRUGP-te hian rally an buatsaih a, he hunah hian Chief Minister Manik Sarkar leh Lok Sabha member Jitendra Chowdhury bakah, Tripura Tribal Areas Autonomous District Council (TTAADC) Chief Executive member Radha Charan Debbarma-te chuan thu an sawi. Rally huaihawtte hi IPFT leh Twipraland State Party-te chuan lo dangin, buaina hi a chhuak zui ta a ni.