Sorkar laipuiin AP sorkat kutah ITDC hotel hlan ṭhen remti

Union Cabinet chuan Tou­rism Development Corporation (ITDC)-in hotel a enkawl pa­thumte chu Arunachal Pardesh sorkar kutah 50% hlan a remti.

Nilainia cabinet meeting chuan ITDC hotel pathum te hi state sorkar kutah hlan a remti a, a enkawl leh cheiṭhat chungchangah thuneihna a hlan a remti a ni. Finance Minister Arun Jaitley chuan, "Sorkar laipui chuan ITDC hotel enkawl mek Ashok Jaipur, Lalitha Mahal Palace leh Donyi Polo Ashok-te chu Arunachal sorkar kutah a hlan dawn a, thuneihna thuk tak pek an ni ang" a ti. Hetih rual hian heng hotel te hi India Tourism Development Corporation ta a la ni reng dawn a, a enkawl kawngah state sorkar leh sorkar laipui te chuan thuneihna an insem dawn tih a sawi. State sorkar kutah thuneihna tam zawk hlan a ni dawn a, an kutah a innghat thui dawn hle a ni, a ti.

Finance Minister Arun Jaitley chuan Bhopal-a Hotel Lake View te, Assam-a Hotel Brahmaputra Ashok leh Hotel Ashok, Rajasthan a mite chu sorkar laipui chuan state sorkar kutah a lo hlan tawh tih a sawi bawk.