UDAN Scheme-ah Arunachal telh

Union Civil Aviation Minis­try-in regional connectivity scheme a kalpui mek, Udre Desh ka Aam Nagrik (UDAN) hnuaiah Aruanchal Pradesh pawh telh a ni ve leh ta.

Civil Aviation Ministry hnuaia UDAN scheme-a Arunachal telh a nih theih nan hian Thawhlehni khan, New Delhi-ah Arunachal Pradesh sorkar aiawh, Civil Aviation Ministry leh Airports Authority of India (AAI) aiawhte chuan inremna an ziak a ni. AP sorkar aiawhin Civil Aviation Secretary Vinod P Kavle chuan hming a ziak a, MoU ziah a ni thei ta chu lawmawm a tih thu a sawi. UDAN scheme hi an hlawhtlinpui ngei a beisei thu sawiin, an state chuan kawng tam takah hma a sawn phah a beisei thu a sawi.

New Delhi-a meeting neihah hian Union Civil Aviation Secretary Rajiv Nayan Choubey, state chief secretary Shakuntala Doley Gamlin leh civil aviation secretary-te an tel a ni.