Tharum thawhnaa inhnamhnawih constable suspend

Tripura police-te chuan journalist Santanu Bhowmik (28)-a thah a nih duh lohna lantira nawrh huaihawtnaa mawi lo taka che, head constable pakhat chu suspend a nih thu kar kalta Zirtawpni khan an puang.

Police-te chuan head constable lakah hian thubuai thehluh a nih thu sawiin, a hming erawh an tarlang lo. SP Sagar Singh Kalsi chuan he tharum thawhna thlenga inhnamhnawiha puh constable hi thu zawhfiah a nih thu sawiin, suspend lailawk a ni, a ti. A chetdan dik tak la finfiah ni lo mah se, he thil thleng avang hian Home Minister hnenah pawh memorandum an thehluh thu a sawi.

Home Minister Kumar Waii chuan dan kalh che a, thilsual tite chu dan anga hrem an nih zel tur thu a sawi tawh bawk. Arunachal Press Club (APC), Arunachal Pra­desh Union of Working Journalist (APUWJ) leh Arunachal Electronic Media Association (AEMA)-ten journalist Santanu Bhow­mik-a thah a nih duh lohna lantira nawrh an huaihawt ṭumin constable pakhat hi mawi lo leh uchuak takin a che nia tarlan a ni.