AP Chief Minister hlui Pul-a hmingin District Hospital hming thlak dawn

Arunachal Pradesh State Cabinet chuan chief minister hlui Kalikho Pul-a hming chawiin, Hayuliang District Hospital chu Kalikho Pul Memorial District Hospital tia thlak a remti.

Chief minister hlui Kalikho Pul hi August 9, 2016 kha Itanagar-a a official residence-ah thia hmuh a ni a, inawkhlum nia ngaih a ni. Kum 2016 khan Nabam Tuki-a kaihhruai Congress sorkar ṭhiah a nih avangin chief minister atan lak luh a ni. Mahse Congress sorkar paihthlak a nih dan leh, sorkar thar din danah thil dik tawk lo a awm vangin Supreme Court chuan Pul-a kaihhruai sorkar hi thla reilote hnuah a ṭhiah sak leh a ni. Congress hruaitu hlun Pema Khandu chu Pul-a thlaktu atan leh chief minister thar atan lakluh ve leh a ni a, hemi hnu lawk hian Pul-a hi a intihlum zui ta a ni.

Kar kalta Zirtawpni-a cabinet meeting chuan chief minister hlui Pul-a hriatrengna atan hian Hayuliang District Hospital chu Kalikho Pul Memorial District Hospital tia thlak a nih tur thu a puang ta a ni.