Assam-ah mau hmangin Durga lim sang ber siam

Khawvela bamboo sculpture sang ber, Durga lim feet 100-a sang chu Assam-ah siam a ni a, hei hi Guinness Book of Records-ah chhinchhiah a ni ang.

Mau hmang siam Durga lim hi Guwahati-a Durga Puja Committee-te'n an siam a ni a, puja an hman tura an inbuat­saihna pakhat a ni. Art director Nuruddin Ahmed chuan a design a, August 1 aṭang khan artisan 40-te chuan a siam hna hi an thawk ṭan a ni. Kum 2016 khan Kolkata-ah Durga lim hi feet 83-a sangin siam a lo ni tawh a, hei hi a rawn khum ta a ni.

Art director Nuruddin Ahmed chuan Muslim a nih avangin he thil a siam chungchangah zawhna tam taka dawng tih a sawi a, mahse mau hmanga thil siam chu a eizawnna leh kum 1975 aṭnga alo ṭan tawh a nih thu a sawi. A siam nan mau pum 5,000 vel an hmang tih sawiin, a san zawng hi a tirah chuan feet 110 ni tura ruahman nih thu a sawi.

Durga lim siam hna hi 70% zawh a ni tawh a, Septem ber 27-a Durga Puja lawm hmain peihfel hman tum a ni. A siamnaah hian iron, metal leh plastic lam chi reng reng hman a ni lo.