AAPSU-te'n Assam sorkar chetdan dem

Assam sorkar chuan tun hnai khan Arunachal Pardesh nen an inrina bul hnaia Arunachal sorkarin construction work a thawh lai ṭhenkhat chu a tichhia niin an sawi a, hei hi All Arunachal Pradesh Students’ Union (AAPSU)-te chuan an dem thu an sawi.

AAPSU chuan an state sorkarin Lower Subansiri District-a hna a thawh mek ṭhenkhat chu Assam sorkar thupekin, Assam Police leh paramilitary force bakah, Lakhimpur district thuneitute hmalaknain tihchhiat a nih thu an sawi a, hei hi state pahnih inunau­na tichhe thei a nih thu an sawi. Dollungmukh khua-a construction work tihchhiat hi inzahlohna a nih thu sawiin, Assam chief minister chu thupha chawi tur leh, tun hnuah hetiang thil ti tawh lo tura an phut thu an sawi.

AAPSU-te chuan ramri chung­changa hun rei tak chhung buaina awm tawh chu chinfel an duh thu an sawi a, inbiakna hmanga chingfel turin state sorkar pahnihte an phut tih an sawi bawk.