Meghalaya : TMC thupuangtuin debate neihpuiah CM Sangma a cho leh

All India Trinamool Congress thupuangtu, Saket Gokhale chuan Meghalaya chief minister Conrad K Sangma chu Smart Electricity Meters, Meghalaya Assembly Dome chima contractor hna pek dan dik tawk lo, Shillong Smart City Ltd, Sauhbhgya scheme leh Police Vehicle Scam chungchangah debate neihpuiah a cho leh. A hma pawhin CM hi debate neihpuiah a lo cho tawh a ni.

Chief Minister-in a mi nazawng neihpui a tum loh thu a lo sawi tawh chu sawichhuakin, Gokhale chuan New Delhi-ah Sangma nen hian inhmu tawhin, thil hrang hrang an lo sawi dun tawh niin a sawi. Parliament-a eptu party lian ber dawttu, Trinamool Congress national spokesperson a ni tih a sawi bawk.

Sangma kaihhruai Meghalaya Democratic Alliance (MDA) sorkar chuan dik takin thil a ti a nih chuan, engvangin nge debate neih chu a hlauh viau tih a zawt bawk.

Gokhale chuan rorellai, National People's Party (NPP) hruaitute chuan sorkar rorel dan dik tawk lo chungchang sawipui an tumna chu chhuanlam an siam fo a, an zingah hian NPP state president leh Rajya Sabha member, WR Kharlukhi pawh a tel a ni, a ti.