Tripura Congress MLA-in ruihhlo dona atan action squad din rawt

Tripura-a Congress MLA awmchhun, Sudip Roy Barman chuan an state-a ruihhho do hna kalpui mekah, chak zawka hma an lak theihna turin high-power committee din leh, committee thupekte kengkawh tura action squad din a rawt.

"Ruihhlo kaihhnawih thilah chuan fimkhur taka kalin, politics lama hlawkpui kan tum tur a ni lo. Hei hi politics lam thil a ni lo. School level thlengin ruihhlo hian a tibuai tawh a ni," a ti.

Chief minister Manik Saha chu a kaihhruaina hnuaiah high-power committee din tura ngenin, committee-ah hian political party zawng zawng aiawh, health, education, police department leh NGO aiawhte tel turin a rawt bawk.

Ruihhlo do beihpui thlak hna thawk tur hian anti-narcotic task force pahnih din a, thupekte kengkawh turin Tripura State Rifles battalion pahnih chhawr turin MLA chuan a rawt bawk a ni.