Delhi-ah Manipur miten beih an tawk ; Manipur CM-i'n UP CM inbiakna neihpui dawn

Manipur mi pathum-te chuan tun hnai khan Delhi-ah beih an tawk a, mi pakhatin nunna chanin, chin hriat lohin pakhat a awm bawk. Hemi chungchangah hian Chief Minister N. Biren Singh chuan Uttar Pradesh Chief Minister Yogi Adityanath chu inbiakna neihpui a tum thu a sawi.

Manipur CM Biren Singh chuan an state mi leh saten beih an tawk fo chu pawi a tih thu sawiin, hmeichhe awmnem zawk pawh zuah loa pawi­khawihna a thleng chu a dem takzet thu a sawi. Beih tawk zinga hian hmeichhe pakhat a tel a, hliam na tak a tuar a ni.

Parvash Chanam chu tun hnai khan Delhi-a National Capital Region-ah music concert chhim turin a kal a, chin hriat lohin a awm zui a ni. Chanama-a unuapa chuan Greater Noida aṭangin a unaupa hi a bo tih sawiin, a hnuah hliam nasa tak tawrhna hnuhma nen thiin chhar a ni, a ti. Hemi chungchangah hian police station-ah thubuai thehluh a ni a, chhui zui mek a ni.

He thil thleng duh lohna lantir hian zirlai pawl leh activist eng emaw zat chuan Delhi-ah lungawi lohna an lan tir a, Central Bureau of Investigation (CBI) chhui tir an phut thu an sawi. CM Biren Singh pawh he thilah hian inrawlh tura an phut thu sawiin, CBI chhui tir an nih ngei theihna tura hma la turin an phut a ni.

Imphal-a cheng Bittoo Tao­­rem chu September 13 aṭang khan Delhi-a Vasant Kunj aṭangin chin hriat lohin a bo bawk a, tun thlengin a chanchin hriat tur a la awm lo. He thil thleng duh lohna lantir hian Thawhṭanni khan Imphal-ah sit-in protest buatsaih leh a ni a, Taorem-a thlavang hauhtu mi eng emaw zat an pungkhawm. Pungkhawmte chuan Taorem-a hi a awmna chin chhui chhuah vat an phut thu an sawi a, September 28 hian lungawi lohna lantir leh an tum thu an sawi bawk.

Hetih lai hian Manipur-a hmeichhe pakhat pawhin Delhi-a autorickshaw a chuannaah harsatna tawkin, a bag chhuhsak tum a ni a, kut thlak a ni bawk. Hliam a tuar a, a chunga thil thleng hi an dem thu pawl hrang hrangte chuan an sawi. Chief Minister chu mipuite himna kawng dapa hma la turin an phut tih an sawi a, chin hriat loa awm mek te zawnchhuah thuai an phut thu an sawi.

Manipur CM hi Delhi-a Bharatiya Janata Party National Executive meet hmang turin a kal dawn a, he hunah hian UP Chief Minister Adityanath nen hian inbiakna an nei dawn a ni. Hetih lai hian Congress MLA Joykishan Khumukcham chuan BHP kaihhruai NDA sorkar chu hmarchhak mite ngaihthah leh, an chunga thihna thlengah pawh inrawlh duh loah a puh a ni.