Meghalaya sorkar kutah GNLA Chief inpe

Meghalaya Police-te chuan Garo National Liberation Army (GNLA) chief, Sohan D Shira chu a ralthuam te dah thlain, sorkar kutah a inpe tih an sawi.

Police-te chuan Sohan Shira hi Pathianni khan East Garo Hills District-a Williamnagar Police Station-ah a inpe tih an sawi a, a rual hian Chanchan G Momin (22) leh Challang C Marak (21) te pawh an inpe ve bawk. GNLA chief, Sohan D Shira hian sum leh paiah harsatna nasa tak an tawk niin a sawi a, hei bakah hian hel lakah beihpui thlak reng a nih bawk avangin sorkar kuta inpek mai chu an thlang ta tih a sawi. GNLA mi leh sa eng emaw zat pawh sorkar kutah an la inpek thuai a rin thu a sawi bawk.

Police-te chuan hel inpe te hian pistol leh revol­ver-te chu sorkar kut­ah hian an hlan tih an sawi.