Tripura-ah Puja chhungin helicopter ser-vice tir dawn

Tripura sorkar chuan Durga Puja chhunga mipui­ten hmun hrang hrang an fan theihna turin helicopter service a ruahman dawn.

State sorkar enkawl Tri­pura Road Transport Corporation (TRTC) chuan helicopter hi Agartala leh a chhehvelah an service tir dawn a, hei hi mipuiten puja hlim taka an hman theihna tura ruahman a nih thu tarlan a ni. TRTC Managing Director Keshab Kar chuan eight-seater double-engine chopper service tir a nih thu sawiin, hei hi nimin aṭang khan ṭan a ni a, ni nga chhung a awh dawn a ni, a ti. State Power and Transport Minister Manik Dey pawhin puja hman chhung hian power supply a khaihlak lohna turin hma lak a nih thu a sawi a, Mizoram aṭangin power megawatt 20 chawkluh a nih thu a sawi.

State sorkar chuan puja hman chhung hian venhimna khauh zawka kalpui a nih tur thu a sawi a, India-Bang­ladesh border-ah central paramilitary force leh state security force tam zawk dah a nih thu a sawi. Heng bakah hian Assam Rifles leh Central Reserve Police Force (CRPF) bakah Tripura State Rifles-te chuan venhim hna an thawk dawn bawk a ni.