Army general-in Assam tlawh

Army Chief General Bipin Rawat chuan Thawhlehni khan Assam a tlawh a, zirlaite hmaa thu a sawiah, zirlaite chu doctor emaw engineer nih tum turin a chah a, ralthuam chelek lo turin a fuih bawk.

General Bipin Rawat hian school 20 aṭanga zirlai thlan chhuah bikte inkawmhona hun an hmang a, kalkhawmte chu khua leh tui ṭha ni tura an rilru ngaihtuahna te seng turin a ti.

Zirlaite chu khawiah pawh lehkha zir se an chawrchhuahna hrereng turin a ti a, an state leh khua tana chenfakawm nih tum turin a fuih. Hetih rual hian zirlaite chu ralthuam hman leh chelek kawngah inhnamhawih lo turin a chah a, chutiang mite chuan nunna an chan thuai ṭhin a ni, a ti bawk.